كتبت/بسمه عطيه.
الفكره بقت مش عجبانى
ولا حتى عجبنى الاسلوب
ما انا مش حاجه انت مالكها
او انا مصنوعه من الطوب
انا لحم ودم وانسانه
وكرهت قساوتك
وظروفك
انا من افكارك عيانه
محبوسه فى قمم من
خوفك
مالك فى ايه ليه متسلط
ليه عايش دور اكبر منك
ليه حابب دور سى السيد
مع ان الدور مش على سنك
عيش بقا على غيرى
وارحمنى
انا رافضه قيودك
تكسرنى
انا رافضه اعيشلك
مسكينه
على كتفك عمرى ما
هتسند
انا جنبك مش هبقى
امينه
فكفايه تعيش دور
السيد
